غيابك بكّاني يا نصري.. كنت قول إذا غبت: بكرا بيرجع وإذا فلّيت: بكرا بشوفو ولا مرّة غبت هيك، وفلّيت هالقد.. كان بيلبقلك تعيش كتير بعد.. كان بيلبق لصوتك يغنّي بعد.. كان بيلبقلك العزّ والإسم، والضو، يا نصري.. ما سبق وطلعت ع مسرح ببلدي، وانت مش معي.. اليوم.. لا وجهك، ولا صوتك، ولا قلبك اللي بيشبه الدهب، رح يكونوا معي.. بالماضي، عالمسرح، كنت انطرك بفرح.. اليوم رح اتذكّرك بحزن.. نصري.. يا رفيقي الوفي وفنّاني الكبير في شي بفنّي زاد، لأنك جيت.. وفي شي بفنّي نقص، لأنك رحت.. كنت ربحي الكبير وخسرتك يا نصري..

No Comments

Be the first to start a conversation

Leave a Reply

Your email address will not be published. Required fields are marked *